HIV ని ఆదిలోనే కనిపెట్టగలిగే పేపర్ డయాగ్నొస్టిక్ టెస్ట్

ప్రస్తుత కాలంలో బాగా మొండి జబ్బులు అంటే HIV, కాన్సర్, ఎబోలా ఇలా ఉన్నాయి వాటి పేర్లు. ఇందులో అధిక భాగం వైరస్ ద్వారా సంక్రమిస్తుంది. ఆ వ్యాధిని కూడా ఆ వైరస్ పేరుతో వ్యవహరిస్తున్నారు. సరే, మన దేశంలో అంతకంతకూ ఈ ఎయిడ్స్ వ్యాధి బారిన పడే వారి సంఖ్య ఎక్కువైపోతోంది. ఈ వ్యాధి ఎప్పుడో ముదిరిన తరువాత కంటే ఆదిలోనే కనిపెట్టగలిగితే దీనికి చికిత్స సాధ్యం అవుతుంది. ఇంతవరకూ కూడా ఏ దేశంలోను ఈ వ్యాధిని ముందుగా కనిపెట్టలేకపోతున్నారు. అందువల్ల ఈ వ్యాధికి నివారణే మందు అని ప్రచారం చేస్తున్నారు. సరే, ఇటువంటి మొండి వ్యాధుల అంతు చూడడానికే కదా పరిశోధకుల ప్రయత్నాలు. అలా London లోని Imperial College of London పరిశోధకులు ఈ జబ్బును ఆదిలోనే కనిపెట్టడానికి ఒక సులభమైన డయాగ్నొస్టిక్ టెస్ట్ ను రూపొందించారు.

Paper diagnostic test for early detection of HIV

Paper diagnostic test for early detection of HIV

ఇది అత్యంత తేలిక, చౌకైనది కావడం విశేషం. ఈ డయాగ్నొస్టిక్ టెస్ట్ టూల్ మనం చూసే pregnancy test మాదిరి ఉంటుంది. ఆ విధంగా విరివిగా లభించేలా చేయడం పరిశోధకుల లక్ష్యం.ఇక ఈ tool ను వైద్య పరిభాషలో lateral flow immunoassay అని అంటారు. ఈ పరీక్ష అత్యంత స్వల్పంగా శరీరంలో ఈ virus ఉన్నా కనిపెట్టే విధంగా (sensitivity) తయారు చేసారు. ఈ virus కనుక శరీరంలో ఉంటే ఆ డయాగ్నొస్టిక్ టెస్ట్ పేపర్ రంగు మారుతుంది. ఇక ఈ టెస్ట్ శరీరంలో HIV ని సూచించే biomarker ఆధారంగా జరుగుతుంది. ఈ HIV వైరస్ పై భాగంలో ఉండే p24 అనే ప్రోటీన్ ను biomarker గా తీసుకున్నారు. ఈ p24 కొన్ని రసాయనాల కలయికతో రంగు మారడం చేత గుర్తించవచ్చు.

అలా ఈ HIV Detection with a paper based test ను అత్యంత సమర్ధవంతంగా స్వల్పంగా శరీరంలో ఉన్నా దానిని 100 రెట్లు మేర దాని ఉనికిని ఈ test ద్వారా బహిర్గతం చేస్తుంది.

ప్రస్తుతానికి ప్రపంచంలో HIV ని చాలా ముందుగా, అత్యంత సులభంగా, చౌకగా గుర్తించగల డయాగ్నొస్టిక్ టెస్ట్ ఇదే. ఈ పరిశోధన ACS Nano అనే జర్నల్ లో ప్రచురించబడింది. అయితే ఇది అందరికీ అందుబాటులోకి రావాలంటే దానికి ప్రభుత్వం మరియు ఫార్మా సంస్థల సహకారం అవసరం. ఏది ఇది మరి కొద్ది సంవత్సరాల్లో అందరికీ అందుబాటులోకి రావచ్చు.

Leave a Reply

Your email address will not be published. Required fields are marked *